【參頭好】花旗參還是高麗參功效比較好? 立即大比拼


「美國隊長」vs 韓國「鬼怪」

不如打個和

來自韓國的「鬼怪」Ahjussi (大叔) 高麗參,同來自威斯康辛州的「美國隊長」花旗參,一樣有補氣潤肺功能,都係我地體質嘅守護者。至於有冇話邊個好D?只要按照自己體質揀返適合的選擇,功效學獎門人話齋,「不如打個和喇!SUPER!」

早排韓劇《鬼怪─孤單又燦爛的神》兩大男主角孔劉同李棟旭都分別來港舉行粉絲見面會,迷倒一眾女生!播咗半年依然熱潮無減,主角靚仔、劇力萬鈞當然係重要因素,但係都同故事主軸有莫大關係─人總希望有一個守護者,隨時隨地可以保護自己;唔只係韓劇,就算充滿帝國主義色彩嘅《美國隊長》,其實都反映人對於生活中出現一個守護者嘅希望,只不過前者係用一種浪漫方式呈現,而後者就係用強壯體格嚟呈現。

現實生活之中,固然唔係每個人都有一個實實在在、有血有肉嘅守護者喺身邊,但係自己身體自己救!對於氣管健康,我哋絕對可以自己搵到屬於自己嘅守護者-人參!人參主要兩大類─高麗參、花旗參,有效成分都係人參皂苷,都有補氣、改善心血管同鎮靜大腦作用,適合香港長坐office涼冷氣、靠腦搵食嘅上班族食用。有人就會問,咁我應該點揀好?又有冇話食邊一種對身體比較好?

即刻嚟一場蔘茸界韓國「鬼怪」同「美國隊長」對戰!性質對戰─高麗參性溫、花旗參性涼,邊種啱自己食,真係問返中醫師專業意見,好難講邊個好呀!食法對戰─高麗參可以食蜜餞片,花旗參又可以沖水,真係鬥到難分難解!呢場蔘茸界「鬼怪」同「美國隊長」對戰,不如學獎門人咁講,「打個和喇,SUPER!」


最新資訊
最新食譜