【泰盡力】榴槤雪餅攻港之謎大拆解(上)

大棧, 榴槤, 吳鴻森

榴槤雪餅攻港之謎

全賴親力親為

名食家話「食餅有餅味」,可能大家唔明佢講乜;但「食榴槤雪餅有榴槤味」對榴槤控而言,就可能切身感受到有幾難!大棧榴槤雪餅,有榴槤味、有結實口感,更加係只此一家!關鍵喺邊度?當然係老闆嘅親力親為,同埋生產商對食材嘅熱愛!

大棧, 榴槤, 吳鴻森

中秋節前一兩個月,係我哋出嘅泰國榴槤雪餅全年最好賣嘅時候,為咗滿足全港咁多位榴槤控食家嘅需求,我哋梗係要提早出動!早前老闆同幾位同事,親自去到泰國,睇下今年榴槤收成如何,一到步就有當地農場工作人員熱情招待,帶一眾訪問同事食盡不同美食,一盡地主之誼。去嘅地方雖然位置偏遠,但係保證地道,亦都反映農場負責人對優質食材嘅熱愛,走到天腳底都要搵好嘢食,同老闆價值觀不謀而合。就算汗流浹背,烈日當空食勁辣冬蔭功都抵!

去公幹當然要工作!Sam哥同一眾同事到訪農場,視察收成。仲親自爬上樹揀榴槤,呢種親力親為嘅精神,都可算係行業榜樣!聽老闆講,原來香港一般食到嘅榴槤,由於要方便運送同埋安排存倉銷售,一般都係大約七成熟就俾果農採摘落嚟,亦即係話,果實喺其餘三成時間,係冇吸收泥土嘅營養同陽光之下熟成,味道自然差一截。

大棧, 榴槤雪餅

但如果係泰國當地人食嘅榴槤,就係等差不多完全成熟先採摘,發育自然更加健全,食落更有果香!大棧泰國榴槤雪餅,就係用同當地人一樣嘅貨源,用最嚴謹嘅工序生產,即整即急凍,不加防腐劑,將榴槤最完整、最原本、最好味嘅面目帶畀大家。至於生產過程有幾嚴謹,留待下回分解!


最新資訊
最新食譜